وداعا ....عم نجيب

مات أصدق من عبر عن الطبقة الوسطى, فى مشاعرها, واحاسيسها, ورغباتها المستمرة فى التسلق والصعود الى اعلى, واحباطاتها المستمرة لعدم امكانها تحقيق ذلك (بداية ونهاية-القاهرة الجديدة- اللص والكلاب.....الخ)

ولأنه صادق مع نفسه ومع الآخرين فانه لم يكتب الا عن هذه الطبقة التى عايشها وعاش معها, فلم يكتب اى عمل عن اى من الطبقات الاخرى كالفلاحين أو العمال, انما كانت

جل اعماله عن هذه الطبقة

.***

رحم الله أديب نوبل

***

وداعا عم نجيب

من أشعار صلاح جاهين

البنت و الولـــــــــــــد

البنت فارت و الولد خنشر ...

يا داهيه دقّى ! .. ألف بعد الشر ..

يا ريتها كانت نزلة شعبية ،

و الا وجع فى البطن .. يتدبر .

الا اللى نابهم ، كان قضا وصابهم ،

مالوش دوا ، و لا طب ، يا سى أنور .

البنت فى الاعدادى لسّاها ،

كان إيه لزوم الغصن يتدور ...؟

و الا الولد ، ده يا دوب دخل ثانوى ،

ليه خده ينطر شوك ، بدا المنظر ؟

مش لما بس يكملوا علومهم .. ؟

ما كانش يومهم ، يا النهار لا غبر !

لو كان عليا .. لا واد ، و لا بنّيه ،

أخلى فيهم ( مللى ) يتغير ،

غير لما يبقوا أساتذه ، بماهيه ،

و بيت جميل ، مفروش على صغّير !