اسكندرية

اسكندرية مارية
عروسة حلوة وصبية
عالبحر الابيض تنوّر
تضوى كما الكهرمان
والحب يملا المكان
ويعدى كل البحور
ينشر حضارة ونور
فى كل عصر وأوان
وبسحر عينها الشقية
تسبى عموم الخلايق
من الصعيد للمضايق
والمستخبّى يبان
وبكف ايدها العفية
تزرع غيطان المحبة
وتخّلى ورد الحدايق
بعطره يملا المكان
يطرح على الانسانية
ضل ومحبة وأمان
يا اسكندرية يا روحى
يا حب ساكن جروحى
ارمى السلب الحقينى
دا نا غريق من زمان
أنا قتيلك وقلبى
شايل حمولك معبّى
والعشق لو حوصفولك
يفتح جميع البيبان
يام العيون الجريئة
يا مالكة كل الحقيقة
من يوم ظهور الخليقة
لحد آخر الزمان
قوليلى وصفة لدائى
تنفعنى يوم التلاقى
ماللّى مضى واللّى باقى
من عمر عدى وكان

بنتاؤور

الحب المستحيل

وكان عليك أن ترحل
وتنسانى
وتتركنى لأحزانى
وتنسى ان تكون عرفتنى يوما
وعشنا وهم قصة حب
عليك الآن أن تنسى
وتمحو كل ما قد كان فى الماضى
وتنساه وتنسانى
فمثلك بُعده أفضل
ومثلك يستحيل العيش فى قربه
وظل الحيط أفضل منك
إذن فارحل ولا تبقى هنا لحظة
فكل الحب كان سرابْ
وأكذوبة
فدعنى كى أعيش الآن
وفك إسار أغلالى
أغرد فى الهواء الطلق
وأحلم بالحياة بدون قيد منك
أو غيرك